Ligwalagwala FM Current Affairs

Inkantolo lenkhulu e Mbombela ilihlehlisele emnyakeni lotako, lelicala lebamangalelwa lababili lebasolwa ngekubulala thishelanhloko wasesikolweni semabanga laphakeme iMahlatsi Solomon Mdluli. Motsebi Monareng uyasibikela.

Duration:00:03:54

#Embiteni - SONA Preview with Busani Ngcaweni

Umhlatiyi waseNyuvesi yase-Jozi losegunjini lelibuke kusebenta kwabomasipala Professor Busani Ngcaweni usichazela kabanti ngekutsi iyini inkhulumo yebunjalo belive futsi ibaluleke ngani.

Duration:00:08:49

#Embiteni - RAF Voicer (nguni)

Inkantolo yamantji eNasipoti kulesifundza seMpumalanga, ilihlehlisele umhla ka-16 ngenyanga letako, licala la-Sidwell Khosa losolwa ngekubulala bantfu lababili. Nonkululeko Shongwe uyabika..

Duration:00:01:48

#Imphunga - Kufundziswa ngelulwimi lwelibele etikolweni takulelive

Litiko lemfundvo lesisekelo letfule luhlelo lwekufundzisa ngelulwimi lwelibele, ngenjongo yekutfutfukisa lizinga lekuvisisa tifundvo kubafundzi. Kepha kubonakala kwangatsi kunanamanye emalunga emphakatsi langasinambitsisi kahle lesinyatselo sekufundziswa ngelulwimi lwasekhaya tifundvo letifana naboMaths, Physical Science kanye naletinye letingasilo lulwimi. Simeme Umnumzane Elphus Maseko lophum enhlnganweni leyengamele tikolo i National Association of School Governing Bodies.

Duration:00:06:53

#Imphunga - Mengameli Cyril Ramaphosa umemetele ngekughociswa kwemasotja alelive ku-MONUSCO eDRC.

Inhlangano ya-Mhlabuhlangene ibonge hulumende wakulelive le-Ningizimu Africa netakhamuti talo ngekutibophelela iminyakanyaka etinhlelweni talenhlangano tekugcina kuthula. Loku kulandzela sincumo samengameli Cyril Ramaphosa sekuhocisa emasotja alelive labekasaseyincenye yeluhlelo lwe MONUSCO eDRC, ngemuva kweminyaka lecishe ibe ngemashumi lamatsatfu. Kuyibuka lendzaba, sikhulumisana nemhlatiyi wetembangave, Umnumzane Khanya Vilakazi longumetfuli wetifundvo eUniversity of Mpumalanga.

Duration:00:03:42

#Imphunga - Bantfu bakulelive batilungiselela kulalela inkhulumo yebunjalo belive.

Onke emehlo ayobe atsite njo kuMengameli Cyril Ramaphosa njengobe utawube etfula inkhulumo yebunjalo belive kusasa ebusuku kusukela ngensimbi yesikhombisa. Sicocisana nemhleli wetindzaba tepolitiki khona lapha ka-SABC Mzwandile Mbeje.

Duration:00:07:53

#Embiteni - Safer Internet Day

Umhlaba wonke ubungata lilanga lekusebentisa bucwepheshe besimanje ngendlela lephephile (Safer Internet Day). Simeme umetfuli wetifundvo tevbuchwepheshe eDUT, Siphumelele Zondi kutokhuluma ngaloludzaba..

Duration:00:06:58

#Embiteni - Ugcine avelile phambi kwekomidi yesikhashana ephalamende, Paul O'Sullivan

Umphenyi lotimele Paul O'Sullivan ucbhubekile nekuvela phambi kwekomidi yesikhashana ephalamende namuhla. Kuva kabanti ngebufakazi bakhe sikhulumisana nasolwati ngetebugebengu Dr Mxolisi Mathebula.

Duration:00:05:45

#Embiteni - WATER MPU (pkg)

Takhamuti tase Sheba ngase-Barberton tikhala ngekutsi masipala weMbombela uyehluleka kusombulula lenkinga yekuswelakala kwemanti leyacala kuhlupha lomango nga-2019. Linyenti laletakhamuti litsi seliphila ngemanti aseticojeni nasemfuleni wendzawo. Michael Mdluli uyabika.

Duration:00:02:50

#Imphunga - Litiko letemfundvo eGauteng litsi lenta taba tekubhadala batfutsi bebantfwana besikolo.

Inhlangano yebafundzi i-COSAS yente lubito lekutsi litiko letemfundvo eGauteng alimise kufundza kutotonkhe tikolo kulesifundza kudzimate kusonjululwe letinkinga letikhungetse banikati betimoto letitfwala bafundzi. Bafundzi lababalelwa ema-300 basele bete kwekuhamba e-Villa Liza eBoksburg Ekurhuleni ngenca yesiteleka sebanikati betimoti letitfutsa bafundzi. Nanobe kunjalo, lokhulumela litiko letemfundvo eGauteng, Steve Mabona utsi bayisukumele etulu lendzaba yekubuka tindlela tekubhadala labatfutsi bebafundzi. Utsi lolubito lweCOSAS angeke lusite ngoba lutawuholela ekutsikametekeni kwebafundzi labanyenti ....

Duration:00:05:27

#Embiteni - O'Sullivan sewutwuvel matfupha phambi kwekomiti yesikhashana yasephalamende

Sihlalo wekomiti yesikhashane ePhalamende lephenya tinsolo tebugebengu nekugcmabukela kwetepolitiki emsebentini wemaphoyisa, Soviet Lekganyane, utsi batsembise fakazi lotako Paul O'Sullivan kutsi kutawucinisekiswa kuphepha kwakhe nakavela phambi kwalekomiti. O'Sullivan, longumphenyi lotimele, bekafuna kwetfula bufakazi bakhe ngekusebentisa buchwepheshe besimanje ngoba atsi ucabangela kuphepha kwakhe. Kodvwa Lekganyane ukucinisekisile kutsi O'Sullivan utawufika matfupha kutowetfula bufakazi kulekomiti. Kusibuka kabanti lesincumo saO'Sullivan, sikhulumisana nasolwati ngetekuphepha Andy Mashaile.

Duration:00:10:01

#Embiteni - iAMCU iphawula nge-Mining Indaba

Indvuna yelitiko lemcebo lombiwaphasi netemandla Gwede Mantashe sewubite kutsi emave ase-Africa asebentisana kute kusimame umnotfo wawo. Mantashe ukhulume loku ngalesikhatsi avule lenkomfa lebuke tindzaba tetimayini, iMining Indaba, eKapa namuhla. Simeme mengameli weAMCU, uMnumzane Joseph Mathunjwa kutobuka kubaluleka kwalenkomfa.

Duration:00:09:45

#Imphunga - Kunamuphi umtselela kutibulala kwabofakazi kumbe kwalabagagulwe phambi kwelikhomishana laMadlanga.

Emaphoyisa akucinisekisile kutsi lobekayi-rezefu emaphoyiseni Wiandre Pretorius ungulomunye welabo bebalandzelelwa endzabeni yekubulawa kwa-Marius van der Merwe lobekatiwa ngafakazi D kuKhomishana la-Madlanga. Lenkhulumo ilandzela kutibulala kwaPretorius lekwenteke egalashi laphethiloli e Brakpan, emphumalanga ye Jozi. Ngalesikhatsi etfula bufakazi ekhomishaneni laMadlanga, Fakazi D weyamanisa Pretorius nenkhohlakalo beyenteke emaphoyiseni amasipala wEkurhuleni. Kubuka kutsi ungakanani umtselela wekubulawa kwabofakazi kumbe kwalabo lebagagulwa ngemabito kulelikhomishana laMadlanga, sicocisana nasolwati ngetebugebengu, Dr Mxolisi Mathebula.

Duration:00:04:41

#Imphunga - International Epilepsy Day

Namuhl umhlaba wonkhe ubungata lilanga lesifo sekuwa iInternational Epilepsy Day. Simeme Dokotela Prudence Buthelezi kutosicobela lwati ngalesifo.

Duration:00:07:28

#Telive - Discussion: Beluleki betimali bacebisa ngetindlela tekuphuma etikweletini

Kubangwa yini kutsi bantfu batitfole basetikweletini futsi bagcine bangasakhoni kubhadala. Simeme umeluleki ngetetimali Tebo Mabunda kutosicebisa.

Duration:00:21:12

#Telive - iMTPA itsi kulicala kutfolakala netilwane tasendle ngaphandle kwemvumo.

Indvodza lesolwa ngekutfolakala nemazini lamane esikhova beyivele enkantolo yase Mbombela kulesifundza se Mpumalanga ngasekucaleni kwaleliviki. Lendvodza ibukene nelicala lekwephula umtsetfo lobukele kunakekelwa kwemvelo i-Nature Conservation Act no 10 wango 1998. Simeme Umnumzane April Lukhele lovela ka-MTPA.

Duration:00:06:24

#Telive - Book Review: A politically Infested Case: Case number MCCC 18/2021 by Dr David Dube.

Esigabeni setfu semabhuku namuhla sibuka libhuku lelibhalwe ngu-Dr David Dube lelinesihloko lesitsii A politically Infested Ccase: Case Number MCCC 18/2021.

Duration:00:05:18

#Telive - Discussion: iEskom isemkhankasweni wekuntjintja tigubhu tagezi.